KREDITЁ SOVJETIKE AKORDUAR SHQIPЁRISЁ NЁ PERIUDHЁN 1945-1960 (Pjesa e dytё)

In: Studime historike, Heft 2

Abstract

Pjesa e dytё e artikullit "Kreditё sovjetike akorduar Shqipёrisё nё periudhёn 1945-1960", pёrqendrohet mё sё shumti te pasojat qё pati nё politikёn ekonomike dhe tё jashtme tё shtetit shqiptar nё vitin 1960. Nё kёtё hark kohor tё shkurtёr, politika e Enver Hoxhёs dhe e klikёs sё tij, duke ndier presionin e madh ekonomik nё tё cilin e kishte vendosur udhёheqja sovjetike veçanёrisht nё gjysmёn e parё tё vitit 1960, detyroi liderin komunist shqiptar tё shihte me pёrparёsi absolute marrёdhёniet e vёshtira qё po kalonin dy shtetet gjigante tё komunizmit botëror: Bashkimi Sovjetik dhe Republika Popullore e Kinёs. Do tё ishte nё fakt kjo pёrplasje ndёrmjet kёtyre shteteve pёr supremaci nё Kampin Socialist dhe nё marrёdhёniet ndёrkombёtare, qё do tё jetё "varka e shpёtimit" për pushtetin e Enver Hoxhёs. Ai pati vёrtet fatin e madh t'i mbijetonte presionit ekonomik dhe rrjedhimisht politik tё Bashkimit Sovjetik vetёm falё çarjes sё fortё nё marrёdhёniet sovjeto-kineze. Nё kёtё pjesё tё dytё tё artikullit, bazuar nё dokumente autentike arkivore shqiptare tё cilat kanё qenё tё paaksesueshme pёr njё kohё tё gjatё, u paraqiten studiuesve dhe jo vetёm, tё dhёna tё paimagjinueshme dhe u jepen pёrgjigje shumё dilemave se si shpёtoi pa i hyrё "gjemb nё kёmbё" Enver Hoxhёs nga pёrplasja qё ai pati me liderin sovjetik Nikita Hrushov dhe me tё gjithё Kampin Socialist, i cili u rreshtua nё krah tё Bashkimit Sovjetik nё konfrontimin e kёtij të fundit me Kinёn. Artikulli ёshtё historiko-analitik, ku i bёhet njё analizё e plotё situatёs ekonomike tё Shqipёrisё dhe jepen arsyet e mbijetesёs sё saj ekonomike e rrjedhimisht politike nё kёtё fazё tё Luftёs sё Ftohtё.