Suchergebnisse

Málhegðun, málviðhorf og málstýring hafa áhrif á lífvænleika tungumála. Íslenskt táknmál (ÍTM) öðlaðist formlega viðurkenningu sem fyrsta mál á Íslandi með Lögum um stöðu íslenskrar tungu og íslensks táknmáls nr. 61/2011. Þrátt fyrir það er ÍTM í útrýmingarhættu og málumhverfi táknmálsbarna er ábótavant. Rúmum áratug eftir lögfestinguna var Málstefna ÍTM í fyrsta skipti rituð fyrir tilstilli stjórnvalda. Málstefnunni er ætlað að vera leiðarljós við mótun málhegðunar, málviðhorfa og málstýringar í samfélaginu og markmið aðgerðaáætlunar sem henni fylgdi að snúa við þeirri veiku stöðu sem ÍTM hefur í samfélaginu. Í greininni er fjallað um Tillögu til þingsályktunar um málstefnu ÍTM og hún skoðuð í ljósi málstefnufræða. Rætt er hvort sú málstefna sem birtist í því skjali sé í takt við málstefnu samfélagsins og hvort hún stuðli að því að búa til það málumhverfi sem táknmálsbörn þurfa til að þróa mál sitt og geti þar með haft áhrif á lífvænleika málsins. Niðurstaða höfunda er sú að þingsályktunartillagan ásamt aðgerðaáætlun geti unnið gegn útrýmingu ÍTM og að bættu málumhverfi táknmálsbarna.

Although previous research shows that the use of rhyme in early language stimulation has a positive impact on children's sign language development, this area of sign language acquisition has not been adequately researched. 90% of deaf children are born to hearing parents who barely know sign language before their child is born, and yet they are the primary language role models in their child's life. As L2 sign language users, hearing parents of deaf children teach language skills in their L2 to their deaf child who acquires sign language as one of their L1s. In this article, we focus on the potential application of the Icelandic Sign Language (ÍTM) handshape inventory in both early language intervention with signing children and in teaching ÍTM as an L2. We argue that the handshape inventory can be used as a teaching tool when teaching sign language as M2L2 to hearing adults and as a visual language stimulation tool for signing children (M1L1 or M2L1). The main purpose of using the handshape inventory is to raise phonological awareness of signing children and adults learning sign language. This can be done by explicitly teaching handshapes to adult learners and using signed rhymes in early language stimulation.

Erlendis hafa þverfaglegar rannsóknir á sviði laga og bókmennta verið blómlegar á undanförnum ártugum. Á fyrstu áratugum tuttugustu aldar mótaðist meðal bandarískra lögfræðikennara hreyfing í kringum þetta efni (e. the law and literature movement) sem hafði framan af þann tilgang að bæta húmanískan bakgrunn lögfræðinema. Um miðjan þriðja áratuginn voru færð rök fyrir mikilvægi þess að lögfræðingar kynntu sér skáldskap og bókmenntir. Þar sem starf stéttarinnar snerist að verulegu leyti um skriftir (að semja sóknar- og varnarræður, lög og dómsorð) væri yfirgripsmikil þekking á stíl og stílbrögðum gagnleg hverjum þeim sem vildi ná árangri í faginu. Ekki leið á löngu þar til bandaríska fræðiumræðan fór að hafa áhrif víðar, meðal annars í Evrópu. Meginmarkmið með þessu þemahefti Ritisins er að kynna þessa fræðahefð hérlendis og vekja áhuga á margháttuðum tengslum lögfræðinnar við bókmenntafræði, sagnfræði og heimspeki. Í heftinu birtast fjórar frumsamdar og tvær þýddar greinar þar sem lög og bókmenntir fléttast saman.

Í inngangi þemaheftis Ritsins: Kynbundið ofbeldi 3/2018, ræddu ritstjórar ekki síst um kynbundið ofbeldi gegn konum í sögulegu ljósi, en í þessu hefti greina þær ljóð Öldu Bjarkar Valdimarsdóttur sem prýðir forsíðuna og beina síðan sjónum frekast – en þó ekki einvörðungu – að kynbundnu ofbeldi sem hrín á körlum og hinseginfólki

Sársauki er eitt af því sem fylgir kynbundnu ofbeldi og því var fengið leyfi hjá tveimur rithöfundum til að birta í þessu hefti Ritsins fyrirlestra sem þeir fluttu á ensku á alþjóðlegu sársaukaráðstefnunni The Many Faces of Pain, vorið 2016. Höfundarnir eru Auður Ava Ólafsdóttir, sem þýddi sjálf sinn lestur, og Naila Zahin Ana – sem er uppalin í Bangladess – en Aðalsteinn Eyþórsson þýddi lestur hennar.