Արցախյան կարգավորման բանակցային նոր հայեցակարգը․ ամեն ինչ որոշում են արժեքները
In: Bulletin of Yerevan University D: International Relations and Political Sciences, Volume 14, Issue 1 (40), p. 41-54
ISSN: 2738-2613
Հոդվածի շրջանակներում քննարկվում են ադրբեջանա-արցախյան վերջին լայնածավալ պատերազմից հետո ձևավորված տարածաշրջանային նոր status quo-ն ու դրա ազդեցությունը Արցախյան հակամարտության կարգավորման վրա։ Հետազոտության գլխավոր նպատակն է բացահայտել Արցախի արժեքային նշանակությունը հակամարտության մեջ ներգրավված ինչպես միջազգային դերակատարների, այնպես էլ հակամարտության հիմնական կողմերի համար, ցույց տալ Ադրբեջանի և Հայաստանի հասարակություններում հիմնահարցի արժեքային փոխակերպումների էվոլյուցիան։ Հոդվածում հիմնավորվում է այն թեզը, որ կոնֆլիկտների կարգավորման համատեքստում բանակցային հայեցակարգերի ձևավորման առումով արժեքներն ունեն վճռորոշ նշանակություն։ Ընդ որում, կողմերը ինչպես բանակցությունների հիմքում են դնում որոշակի արժեքներ, այնպես էլ կոնֆլիկտի բուն առարկայի նկատմամբ առաջ են քաշում տարբեր արժեքային նախապատվություններ։ Մասնավորապես, ցույց է տրվում, որ Արցախյան առաջին պատերազմի հաղթական ավարտից հետո հայ հասարակության հանրային-քաղաքական դիսկուրսում նկատվում են Արցախի արժեքայնության նվազման միտումներ։ Միաժամանակ, ադրբեջանական հանրության շրջանում ընդհակառակը՝ շոշափելիորեն բարձրացվում է հակամարտության ընկալման արժեքային նշաձողը։ Հեղինակը կարևորում է այն գաղափարը, համաձայն որի՝ հայկական պետականության նախագծի լիարժեք ու արդյունավետ գործառության համար Արցախի արժեքային նշաձողի բարձրացումը, դրա հաշվառմամբ՝ ՀՀ ազգային անվտանգության ու բանակցային նոր հայեցակարգի ձևավորումը կենսական և ռազմավարական նշանակության ունեն։